Follow us Youtube Rss Twitter Facebook
قديم 12-07-2013, 01:46 AM   #1
لينا بنت كامل
عضو مشارك
 
تاريخ التسجيل: Aug 2013
الإقامة: sudan
المشاركات: 60
يوميات شخوص عاديين..حلقة 8

يوميات شاب فيس بوكي
الجزء الأول.. علاء..
علاء دا ..من أكتر أنواع الشباب تواجدا علي شبكة التواصل الإجتماعي ..المسماة ب"الفيس بوك"هذا النوع من الشباب بالذات.. يسبب لي شخصيا.. وللكثير ..أزمة نفسية ..
عاد من البقالة مسرعا.. رمي "كيس العيش" في المطبخ .. واسرع راكضا إلي غرفته ..
أعاد تشغيل جهاز الكومبيوتر القديم.. الذي يقبع في زاوية من الغرفة..سجل دخول.. ثم..
هو: هاي
هي تتفاجأ بهذا الشخص الذي إخترق جلستها الممله..و: أهلين يا مرحب..
هو:كيفك تمام.؟
هي: الحمدلله..
هو:ممكن نتعرف؟؟ أنا متابع تعليقاتك في القروب.. وحسيتك عسل شديد..
هي: تسلم شكرا ليك..
هو: طيب انتي من وين .؟ وبتقري شنو؟ وهواياتك شنو وريني .. حابي اعرف كل حاجة عنك..
هي تتأفف .. : دا طلع من وين دا كمان.. و"تطنش"
هو ينتظر منها .. وفي أثناء الإنتظار.. تظهر رسالة جديدة..
سوسو الأمورة.: هااااي علوووي .. مشتاقييييين ..وييينك ؟..
يبتسم: أهلييين عثلي أنا.. طبعا مشتاق ليكي موووت.. حرام عليكي تعملي فيني كدا..
هي: هههههههه معليش والله بس كنتا تعبانة شوية..
البطل المغوار..: سلااااامتك عيوني أنا..ياريتني بدالك.. قولي لي مالك.. كفارة والسودان كلو كرامتك.. وهسي بقيتي كيف؟ ومشيتي لي دكتور وللا لأ؟
"طبعا بيقول كلام كتييير وورا بعض ..ليدل علي إهتمامو وخوفو.. وهو في الحقيقة ما بهمو هي عيانة وللا ماتت"
هي: ههههههههه ماف حاجة مجرد وجع حلق .. مامحتاج امشي دكتور..
هو: إخص عليك ياقلبو.. بالجد خوفتيني عليكي..قلبي كان حيقيف..
وبعدين كيف ماتمشي للدكتور لأ لازم تمشي..
وفي أثناء محادثته.. يرى في خانة " أشخاص قد تعرفهم" صورة لفتاة جميلة .. فيتجاهل إنذار الرسالة التي وصلته من"عثله" .. ويدخل علي صفحتها الشخصية.. يقلب قليلا ثم ..
يرسل: وااااو ماشاء الله بسحروووك.. إبتسامتك كسارة..ربنا يحفظك..
ومرة أخري..
: هاي ياعثل .. شيلي صورتك دي لأنها رهيييبة ياخ.. خايف الناس تعجب بيكي..
ومرة أخري: ليكي حق ماتردي.. الملائكة ما بتتكلم مع البشر..
:ممكن أضيفك؟
"ياخ لأ ماممكن"
:ممكن ترسلي لي طلب عشان عندي مشكلة في إرسال الطلب.."النوع الواثق داك"..
"لأ ماممكن" وطبعا العديد بيطنشو عادة.. ومرات بيتفاعلو معاهم..المهم نكمل..
:سوري شكلي سببتا ليكي ازعاج ..أنا آسف ماحرسل ليكي تاني.. بس كنتا حابي أتعرف عليكي ما أكتر..
"طبعا بيحسسك إنو حيسجل خروج ويرمي نفسو من الشباك"
وطبعا الجملة الخارقة.. التي ماحصل شخص من النوعية دي ماقالا.."أنا برتاح ليكي شديد والله"
..
هو..:أها حنتلاقي متين ؟ بكرة؟ خلاث إتفقنا..أمموووووح ..دي بوسة ..ينهض من الكرسي.. يتجه إلي الدولاب.. يخرج قميصة الأسود.. يذهب إلي أخته سعاد: يا بت قومي غسلي لي قميصي دا..
هي: يالله .. الليله غسلتا الهدوم ..ماجبتو مالك؟ وخاتيهو في الدولاب ليه وهو ************ان؟
هو: كدا دا.. مزاج .. قومي أغسليهو وبطلي كلام كتير..
تتأفف .. وتتنتزع القميص من يده.. وتضع هاتفها علي الطاولة وتخرج..
اليوم التالي..: سعاد قومي أكوي القميص..
هي: ياخ ما تكوي براك.. خدامتكم أنا؟
هو يضربها علي رأسها بخفه: بطلي نقة.. قومي يللا ..طالع حسه انا..
هي : طيب طيب أووووف ياخ..
يقف أمام المرآة.. :هممم الشكه.. والقاش.. الجزمة لمعتها.. والشعر سبسبتو.."جلطو"
والنضارة الشمسية.. إنشالله سوسو تطلع مزه بعد التعب دا كلو.."ختو خطوط تحت كلمة التعب دي"
جالس في ..كافتيريا"في السوق العربي طبعا"
سيتعرف عليها من "البودي الوردي" والطرحه ال"صفراء"..
يضغط علي أزرار هاتفه بعصبيه .. وتوتر..
ثم "تفلق "أنفه رائحة قوية..
يرفع رأسه.. فيرى فتاة ترتدي "بودي وردي "تقف بعيدا.. هو يهتف بفرح رافعا يده.. سوسو
هي سوسو..
فتلتفت سوسو.. تلك نفسها التي تركها في المنزل..والتي غسلت له القميص..

و طبعا في مقابل علاء..يوجد علا.. النسخة الفتاة لعلاء..
التي " تستظرف" وتخفف دمها مع الجميع.. وتفعل ما يفعل علاء..
هذه الشخصية.. عادة ماتكون .. شخص أقل من العادي.. غير ملفت بالنسبة للجنس اللطيف.. ولم يدخل في أي علاقة من قبل.. لقلة ثقته في نفسة..أو لأنه حاول من قبل..وتم رفضة.. فيتعرف علي "الفيس بوك"..ويكون مدمنا عليه.. يخترع شخصيات جديدة كل يوم.. علي أمل التعرف علي الفتيات..ويرتدي قناعا.. وسيأتي عليه وقت ..لن يعرف فيه.. شخصيته الحقيقة..
ملاحظة:
إذا كنتا من الشخصيات الزي كدا.. أمشي اتعالج.. جننتنا معاك.. أو اقول ليك خليك زي ما إنت.×.× بس أختاني
"وش ممعوووووووط"
ملاحظة تانيه: عثلي؟؟ بالجد يعني؟؟ إنتهت كلمات الغزل؟؟
سؤال: القابل علاء دا قبل كدا منو؟؟
**
لينا بنت كامل غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:22 AM.


Powered by vBulletin® Version 3.8.7
Copyright ©2000 - 2021, vBulletin Solutions, Inc. Trans by
Protected by CBACK.de CrackerTracker