Follow us Youtube Rss Twitter Facebook
قديم 09-08-2008, 06:35 AM   #1
راشد
عضو فعال
 
تاريخ التسجيل: Dec 2003
المشاركات: 270
Thumbs up l$$$مسجات مبالغـــــــــــــــــــــة$$$

يا سحابة زوري احبابنا الهناك ..
وقولي ليهم الرسائل ما بتكفي حتي لو كانت قصائد ...
والهواتف ما بتطمن حتي لو طال الكلام ...
البكفينا العيون تحضن عيونك....
**********
مرات احس انك براك ما زينا انت الملاك ونحن البشر..
صمتك اصيل حزنك نبيل زي الغناوي المرهفه زي الدعاش ...
ويا روعتك لمن تفيض بالطيبة زي موج البحر تغمر ضفافنا محبتك ....
**********
عيوني أنا ....
عيون ترحل تسافر ليك ..
عيون مسكونه بي زاتك..
بتتمناك وتفرح بيك ..
اشتقت ليك
اشتقت للحظة البتسرق عمري كلو تجيبو ليك
اشتقت للنجم البسافر في الخيال يرحل يجيك
اشتقت والشوق
مستحيل في دربو يتمرد عليك
**************************************************
ياغنوة في وترا حزين
ياضحكة في الزمن الصعب
يا واحة في عز الهجير
يا راحة من بعد التعب
يانسمة هبت في الدغيش
عزفت علي وترا صعب
يا رحمة من رب العباد
مكبوبة فوق خلق الله كب.
______________________________
هناك اشخاص يعزفون على اوتار احساسنا الحانا رائعة ...
ويخلدون فينا ذكرى لاتمحى ....
نهفو الي رؤياهم ...
ويزدان الوجود بهم ...
لنا الفخر بمعرفتهم ...
فليحفظ الله الود بيننا ...
++++++++++++++++++++++++++++++++
اتخيل الزول يشتهيك ويخاف ...
ويهرب من لقاك يخاف عليك من شوقو ليك...
ما شوقو اكبر من هواك ...
ما ريدو ليك ما بتوصف ما روحو دائما مشتهاك ...
ما قلبو غيرك ما عرف وما مستعد يعرف بلاك...
*************
قالو أصلو الدنيا معبر ..
فيها جد ما بتلقى راحة...
إلا صاحب ليك يعزك...
يبقى عنوان الصراحة...
في غيابه الدنيا وحشة...
فاقدة لي انوار صباحة
***********************************
- انت اعمق من احبك وارقى من كل المرافى وبرضي عاجز لو ازيدك ديمة من عشقي الاضافي كل ما افكر في ريدك القى ريدي عليك خافي ما بقول عشقتك ملكني والعيون فيها اعترافي
2- يا القلت انك ما تنسيت وعدم سؤالك ماخصام لو كنا في خاطرك صحيح كان تقول حبة سلام يظهر عليك نسيت واهديت مشاعرك للغمام والمابيرجع با الوفا ما اظنو يرجع با الكلام
3- حاولت اخدع نفسي واهجر حبي ليك حاولت امسك نفسي ما امشي واجيك ورحلت عنك وعن ديارك وهدمت كل امالي فيك وبرضي ما اقدر اسيبك لما انساك بشتهيك
4- القدر مكتوب مسطر ديمة نافذ امرو فينا ابقى ما تقطع رسايلك وخلي مرسالك يجينا بيهو نطمن عليكم وتعرفوا الحال العلينا
5- ملامحك ملامح زول رقيق حساس بترتاح ليك كل الناس كلامو درر الماس كفاية اقول زول بكل الناس
6- لو الحياة بقت بلا امل ولو القلوب بقت من غير وجل ولو كتبوا على كرامتي الزلل انا مستحيل منك ازعل الانك واحد عسسسسسسسسسسل
7- يا سلام لو شفت حالي يو م تجيني رسالة منك انسي ظلم الدنيا كلو ولي حروفك احكى عنك واحكى عن طيبة قليبك عن اصالتك وبرضو حنك بفرح جوانا ساكن وين نلاقى اجمل منك
8- تحياتي كلام طفلين يلمو فوق الطين كلام عنوانو مشتاقين وضحكة زول عسل زيك لطيف وحنين
9- لما القلوب با الشوق تدق تتشابه للناس العزاز لما النفوس تفضل تشع با الرهبة والامل الملاذ يتلاشى مقياس المسافة وتسقط اوراق الحراز
10- لما اطراك في الليالي وابدا اسرح في ملامحك دون ارادة اقيف عشانك وفي الخيال با الايد اصافحك احكي ليك بعد المسافة وبي لهيب الشوق اصارحك ما انت اصلك حاجة تانية وانا كيف اقدر ابارحك
التوقيع
راشد غير متصل   رد مع اقتباس
قديم 09-10-2008, 03:10 AM   #2
راشد
عضو فعال
 
تاريخ التسجيل: Dec 2003
المشاركات: 270
ما عرفت رأيكم في المسجات هل نواصل ولا نوثق هنا ؟؟
وروني رأيكم شنو !!!!
التوقيع
راشد غير متصل   رد مع اقتباس
قديم 07-29-2013, 01:01 PM   #3
المسيكتابي
عضو مشارك
 
تاريخ التسجيل: Mar 2006
المشاركات: 81
انت اعمق من احبك وارقى من كل المرافى
التوقيع
مـــع أجــمــل تـحيات المســــــــــــيكتابي
نأسف على غدر الزمان لطالما رقصت على جثث الأسود... كلابا
لا تحسبن برقصها تعلوا على أسيادها تبقى الأسود أسودا والكلاب كلابا
تستطيع أن ترى الصورة بحجمها الطبيعي بعد الضغط عليها
المسيكتابي غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:38 PM.


Powered by vBulletin® Version 3.8.7
Copyright ©2000 - 2021, vBulletin Solutions, Inc. Trans by
Protected by CBACK.de CrackerTracker