نكات من الشرق

[عاشق التاكا]

الباب مفتوح لكل من يعرف نكات من الشرق لكي ياتي و يتحفنا بها..

[الرخ]

مرحبا بك عاشق التاكا
قال ليك أدروب جنو مشاهدة أفلام الكارتية
وصادف أن اتي بعض الأخوة الصينين لشرق السودان لدراسة بعض المشاريع ...اها يا معلم
أدروب لقي ليك واحد منهم حايم في السوق
وجا ماشي بي جنبوا قام الصيني حرك يدوا
أدروب طوالي لمك ليك في الراجل ورقد بيه واطة
الجماعة الفي السوق اتلموا وهاك يا تحنيس
وأدروب رافض تماما
أحد الموجودين :يا أدروب كان فكيتوا بحصل شنو يعني
أدروب : كان فكيته بطير

إن شاء تقضي الغرض

[عاشق التاكا]

ههههههههههههههه
اكتر من رايعة اخوي الرخ و اها امسك ديل..
ادروب راكب لوري و اللوري ماشي..اللوري جا في حلة الحلة فيها عرس و الدلوكة مدورة ادروب سمع الدلوكة قام ناطي فووق و اللوري طبعا ماشي لمن جا نازل وقع في الواطة كسر رجلوا ودو المستشفي الحاصل شنوا يا ادروب قال واللاهي انا دار اقول ابشر اللوري ما انتظرني.

تكروني في نمر مجننوا يعارض لي في طريقو كل يوم قام مشي لي واحد يبيع عروق عمل لي عرق و قال لي اذا شافك هو انت ما تشوفو و اذا شفتوا انت هو ما يشوفك طيب قال لي و اذا اكلاني كيف قال لي انشاالله ما تنفعوا.

[الجعلي]

ادروب راح الجوازت يعمل ليهو جنسية
اثنا ما يملاء الاستمارة قام الضابط سالو اسمك منو
قاليهو ابو طاهر واسم الوالدة منو يا ادروب قام رده صاحبني الادروب الوالدة ده شنو يا جنابو الوالدة يا ادروب معناه اسم امك
قام ادروب اتعصب وقاليهو يها امك لا تقول الضابط لادروب لو ما قولت اسم امك يا ادروب ما حنعمل ليك الجنسية
جنابو ما تغلط امك تقول جنسية فيها امك كلاص كليناهو

[عاشق التاكا]

تسلم الجعلي علي المشاركة

[عاشق التاكا]

قال ليك في ادروب عايز لي قروش من شايقي فقام جا يطالب بي قروشو..ادروب :القروش ادينا الشايقي:ما اديتك ليهن..اديك ليهن كم مرة ادروب:يها اسمع القروش تدينا و لا ما تدينا?الشايقي:يا ناس الزول دا غبيان..اديك ليهن كم مرة قروشك ديل.ادروب قام زهج و حس انوا الموضوع ما فيهوا فايدة قام كابس ليك خنجروا قبل ما يتحرك كدا بس لقي ليك يد تنزل في كتفوا عاين لي ورا لقا ليك عسكري شايقي مشلخ ساقهم النقطة..في النقطة ادروب لقي ليك مامور القسم شايقي مشلخ لي ورا..رئيس القسم شايقي مشلخ لي ورا..ادروب عرف ليك نفسوا ورط ورط قام المامور يسالو اسمك منو؟ ادروب محمد طاهر قبيلتك شنوا؟؟ادروب اتلفت كدا كدا قام قال لي شايقي المامور:يا زول استهدي بالله ادروب:و الله شايقي المامور:خلاص اكتب شايقي..شغال شنوا؟؟ادروب عاين كدا و طبعا ممغوص من الزول داك قام قال لي نحن الشايقية غير حق الناس عندنا شنوا اكتب حرامي.

قال ليـــك . ادروب عامل تاجر

ادروب عاوز فلوس من واحد اداهو شيك ... والشيك طلع طائر

وبعد فتره المراه ولدت ولدت قالت تسميهو اوشيك ... ادروب نطه فوق وقل ليها اوشيك لا اوشيك لا ...... اوكاش بس ...

[عاشق التاكا]

هههههههه حلوة يا الزاهد

اشياء غير مفهومة بس انتو ما السبب اكيد
انا بقراها كم مرة وما فاهمه حاجه بس باين انها حلوة جدا لان الناس
بتقول ههههههههه
الغربة هي السبب

شكرا قولوا اكتر عشان نفهم اكتر عن بلدنا واهل بلدنا





ولكم اعتذاري وشكري

[محمد المامون]

المشاركة الأصلية كتبت بواسطة صباح الخير

اشياء غير مفهومة بس انتو ما السبب اكيد
انا بقراها كم مرة وما فاهمه حاجه بس باين انها حلوة جدا لان الناس
بتقول ههههههههه
الغربة هي السبب
شكرا قولوا اكتر عشان نفهم اكتر عن بلدنا واهل بلدنا
ولكم اعتذاري وشكري

السلام عليكم انا واحد من الناس البيستغربو من الناس الما بتفهم اللهجات العامية ويقول ليك امكن الغربة يعنى الواحد ما سودانى ولا شنو اذا ما سودانى ابقى دا موضوع تانى اما اذا سودانى فحتى لو مغترب او مولود خارج السودان يعنى مفروض تعرف ثقافة بلدك ولهجاتا وتقاليدا وعاداتا وارجو تقبل النصيحة وتحاولتتعرف بالسودان اكتر ولك الشكر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
تخيل كيف اكون الحال اذا ما كنت سودانى واهل الحارة ما اهلى

[عاشق التاكا]

المشاركة الأصلية كتبت بواسطة محمد المامون

السلام عليكم انا واحد من الناس البيستغربو من الناس الما بتفهم اللهجات العامية ويقول ليك امكن الغربة يعنى الواحد ما سودانى ولا شنو اذا ما سودانى ابقى دا موضوع تانى اما اذا سودانى فحتى لو مغترب او مولود خارج السودان يعنى مفروض تعرف ثقافة بلدك ولهجاتا وتقاليدا وعاداتا وارجو تقبل النصيحة وتحاولتتعرف بالسودان اكتر ولك الشكر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
تخيل كيف اكون الحال اذا ما كنت سودانى واهل الحارة ما اهلى

دي مشكلة الغربة ذي ما قالت ليك

[محمد المامون]

الله اديك العافية اخونا عاشق التاكا وهاك دى ( قالوا فى واحد جعلى ابوهو مات فى الشايقية ودفنو هناك قال ليك جاء وقنب يحفر فى القبر الجماعة سالو مالك يازول قال ليهم : ابوى دا اضانو تقيلة والناس ديل دغيلين اذا جاء يوم القيامة ما بكلموه.

[soana]

المشاركة الأصلية كتبت بواسطة محمد المامون

الله اديك العافية اخونا عاشق التاكا وهاك دى ( قالوا فى واحد جعلى ابوهو مات فى الشايقية ودفنو هناك قال ليك جاء وقنب يحفر فى القبر الجماعة سالو مالك يازول قال ليهم : ابوى دا اضانو تقيلة والناس ديل دغيلين اذا جاء يوم القيامة ما بكلموه.

شايقي اشتر لخطيبتو تلفون سوداني ،
وقال ليها العرس نهاية الاستقبال

ادروب مفلس وعاوز يعرس وقال مافي حل الا عمه ابو فاطمه


ادروب ..... السلام عليكم
ابوفاطمه .... مرحبا مرحبا ... يا بنت الجبنه سوى
ادروب ........ جبنه ما عاوزين .. البنت تدينا عشان نعرس
ابوفاطمه ..... محتار يتلفت يمين شمال ... قال البنت صغيره تقراء في المدرسه
ادروب ....... طيب الفسحه نجي

ههههههههههههههههههههههههه ها ها ها

[عاشق التاكا]

الرسالة الأصلية كتبت بواسطة صباح الخير
اشياء غير مفهومة بس انتو ما السبب اكيد
انا بقراها كم مرة وما فاهمه حاجه بس باين انها حلوة جدا لان الناس
بتقول ههههههههه
الغربة هي السبب

شكرا قولوا اكتر عشان نفهم اكتر عن بلدنا واهل بلدنا





ولكم اعتذاري وشكري

يعني انتي يا صباح الخير عليك الله ما سمعتي بي شئ كدا اسموا ادروب قبل كدا

[hard2hard]

[S2A]

[قولداونتود]

الرخ
لك تحيه..
ده صيني وله وله جامبو...
هي والله ظريفييي..لكااااان

[عاشق التاكا]

فوق

[زولة الله]

يعطيكم العافيه على النكت الحلوة دي مع اني فهمتها بصعوبه ...

[عاشق التاكا]

زولة ألله ألف تحية لك علي المجاملة والمرور

[بجاوي]

الرسالة الأصلية كتبت بواسطة عاشق التاكا
قال ليك في ادروب عايز لي قروش من شايقي فقام جا يطالب بي قروشو..ادروب :القروش ادينا الشايقي:ما اديتك ليهن..اديك ليهن كم مرة ادروب:يها اسمع القروش تدينا و لا ما تدينا?الشايقي:يا ناس الزول دا غبيان..اديك ليهن كم مرة قروشك ديل.ادروب قام زهج و حس انوا الموضوع ما فيهوا فايدة قام كابس ليك خنجروا قبل ما يتحرك كدا بس لقي ليك يد تنزل في كتفوا عاين لي ورا لقا ليك عسكري شايقي مشلخ ساقهم النقطة..في النقطة ادروب لقي ليك مامور القسم شايقي مشلخ لي ورا..رئيس القسم شايقي مشلخ لي ورا..ادروب عرف ليك نفسوا ورط ورط قام المامور يسالو اسمك منو؟ ادروب محمد طاهر قبيلتك شنوا؟؟ادروب اتلفت كدا كدا قام قال لي شايقي المامور:يا زول استهدي بالله ادروب:و الله شايقي المامور:خلاص اكتب شايقي..شغال شنوا؟؟ادروب عاين كدا و طبعا ممغوص من الزول داك قام قال لي نحن الشايقية غير حق الناس عندنا شنوا اكتب حرامي.

[عاشق التاكا]

البجاوي ألف تحية علي المرور

[عاشق التاكا]

أدروب في سنكات عندوا مطعم وكان في مجموعة من الفلسطينيين يجوا ياكلوا عندوا وما يدفعوا لي الحساب وكل ما يحاول يتكلم يهددوا،أدروب ما لقي ليك حيلة مع الناس ديل يشيل بيها حقو ،يوم من الايام استناهم ليك يمشو بعيد شوية وكورك فلستيني فلستيني فلستيني ولما التفتوا علي اسرائيل كيف.

[عاشق التاكا]

مجموعة من المصريين جابوهم شرق السودان عمال،أدروب زهجان ومالاقي شغل قعد يعاين فيهم..واحد منهم:في ايه،انت ماشفتش عمال أجانب ولا ايه؟؟
أدروب:واللاهي عمال أجانب شفنا لكن تلبة أجانب أول مرة نشوف.

[فارس أحلامك]

هههههههه

[abdat]

عمك أدروب راجل كبير في العمر ماشي قابلوه ناس الخدمه الوطنية ياذول أدروب قام جاري وقاموا الجماعه جروا وراه وقبضوه وقالوا ليه ياعمنا جاري مالك انحنا ماعوزنك قال ليهم انتو مادمونين يمكن تقولوا دايريييين ضباط

[كرار]

المشاركة الأصلية كتبت بواسطة عاشق التاكا

مجموعة من المصريين جابوهم شرق السودان عمال،أدروب زهجان ومالاقي شغل قعد يعاين فيهم..واحد منهم:في ايه،انت ماشفتش عمال أجانب ولا ايه؟؟
أدروب:واللاهي عمال أجانب شفنا لكن تلبة أجانب أول مرة نشوف.

تصحيح:

إيه؟؟ فيه إيه؟؟ انتو عمروكو ماشفتوش خبراء أقانب!!!!!
والله خبراء اجانب شفنا، لكن تُلب أجانب ما شفنا.

[slloom keenab]

قال ليك ادروب راح السينما ولقي ليك فلم هندى مدور وفى واحد تكرونى قاعد جمب فقام الخاين طلع المطوه وعايز يضرب البطل بى وره قام التكرونى على وقعد يهاتي يابطل اعمل لفيت يا بطل ما تعمل لفيت المهم ده بيكورك واصلا الفلم هندى البطل قام اتلفت واستلم ليك الخاين وكسر ليك تمام قام ادروب طلع الخنجر وطعن ليك التكرونى وقال تكلم ليه ها تكلم ليه .



هههههههههههههههههههههههههههههههههههههههه

[slloom keenab]

قال ليك ادروب جاء لى الصيدلى عايز يشترى ليه بن قال ليه السلام وعليكم رد عليه الصيدلى التحيه وعليكم السلام ورحمة الله وبركات ادينا بن قال شنو يا ادروب ده ما محل بن دى صيدليه البن ده فى الدكان يا اخى ما تلعب اهو ده قروشنا ادينا بن عليك الله انحنه مسافرين الخلاء لاحوله يا ادروب عليك الله ده ما محل بن امشى الدكان لو عايز بن ده محل دوه . دوه طيب الزنجبيل ادينا عليك الله .

ههههههههههههههههههههههههه

كركاش من كنداااااااااااااا