Follow us Youtube Rss Twitter Facebook
قديم 10-13-2009, 04:36 PM   #1
faisalloog
عضو فعال
 
تاريخ التسجيل: Jun 2005
الإقامة: بلد المليون ؟؟؟؟
المشاركات: 280
رسالة أم مسطولة ؟؟؟؟....

وصلتنى الرسالة التالية من واحد صحبى عبر البريد الإلكترونى وضحكت لمن الجنبى بقى يعاين لى قايلنى جنيت واليكم نص الرسالة اللذيذة
ابني العزيز وابو اولادي اليتامى

انابخير هنا ان شاء الله انت تكون كويس هناك
بكتب ليك الرساله دي براحه لاني عارفه انك مابتقرا سريع00000
ابوك قرا في الجريده ان اكثر الحوادث العرضيه تقع على نحو 20 ميل من المنزل عشان كده رحلنا الى بيت جديد ابعد من بيتنا القديم بحوالي 20 ميل ومابقدر ارسل ليك عنوان البيت الجديد عشان الزول الاشترينا منو البيت شال عنوانو معاهو ماداير يغيرو ونحنا في الاسبوع الجاي حنجيب عنوان بيتنا القديم نشتغل بيهو فترة كده لحدي ما الظروف تتصلح عشان كده عنوانا ماحيتغير0000000 الجو هنا كويس المطره صبت مرتين في الاسبوع الفات المره الاولى استمرت اربعه ايام والمره التانيه استمرت خمسطار يوم0000000000000000
اخوك الكبير وهو ممتحن امتحانات الاساس جابو ليهم سؤال صعب للغاية ؟؟؟ كم عدد ارجل الماعز ؟؟؟ طبعا اخوك سقط في الامتحان عشان المراقبة كانت شديدة جدا وما استطاع انو يمرق الغنماية البخرة من شنطتو عشان يعد رجلينها كم ؟؟000000
ناس الحكومة الشهر الفات قاموا عملو لينا حظر تجول في بلدنا ؟؟؟ قام ابوك اجتمع بناس الحلة وشالوا البارد والشاي والحلاوة ومشوا عشان يشوفو حظر التجول ده والحكاية كانت زحمة شديدة والناس جوها من كل الحلات المجاورة وغير المجاورة 0000000
امبارح لقينا لافتات كتيرة مكتوب فيها التطعيم ضد الجدري ؟؟؟ لكن للاسف ما مشينا حضرناها عشان ابوك قال كورة مافيها الهلال ما بحضرها 000000
بمناسبة الملاريا دي ؟؟؟ انت لمن كنت صغير جاتك حصبة ولا التهاب ؟؟؟ طبعا الرحيل من البيت ده خلانا ننسي الحاجات الفارغة دي ؟؟؟؟؟؟00000
عمتك قالت ليك ماحتقدر ترسل ليك الجاكيت اللي قلت عايزو بالبريد لانو تقيل عشان زرايرو حديد عشان كده قطعت الزراير وختته في جيب الجاكيت 0000000000000
ابوك اشتغل شغله جديده وشغالين تحتو 500 عامل بحصدو الحشيش القايم جمب المقابر 000000

اختك ولدت الليله الصباح بس ماعارفه جابت بت والا ولد عشان كده ماعارفه انت حتبقى خال والا خاله وتصدق لحدي الان ما كلمناها بالولاده دي عشان نعمل ليها مفاجأة 00000000000
اخوك بتاع البوليس اللي شغال في الجيش قال احتمال الاسبوع الفات يتزوج خلاص ؟؟؟ العرس شهر سبعة والطلاق شهر ستة في نفس العام الجاري لمن نفسو انقطع ؟؟؟؟ بس المشكلة قال ناقص ليهو القروش والبيت والعفش وقفة الملاح والكسرة والعيش و العروس وابوها وامها وابو جدها زاتو00000000

عمك اخو امك الكان اسمو خالد وقع في البير وكان في رجال حاولو يطلعوهو لكن قاومهم بكل شجاعه وتجرد ونكران ذات ...وغرق اخيرا 000000
وبعد داك حرقناهو بالنار والظريفة النار ذاتها كانت مولعه فيو تلاته ايام لانو مانشف لانو مرطب 0000000000000
ابو اعز اصحابك وهو بيموت طلب من صحبك عمر انو يدفنو في نص البحر لمن يموت ومشى عشان يحفر القبر ليه ابوهو قام غرق ومات ولحدي الان ناس شرطة الزراعة محتارين ماعارفين المات منو عمر؟؟؟؟ ولا صاحبك؟؟؟؟ ولا ابوهو؟؟؟؟ 0000000
بتتذكر يوم كنا بنسطل سوا جنب البحر بالليل بالصباح وقلت لي امي انا بحبك؟؟؟؟؟ وقلت ليك وقتها خلي علاقتنا صداقه وبس 000000000000000
كانت ايام حلوه والله خلاص وان شاء الله ما تتكرر بقدرة قادر أحد 000000
ده كل العندي مافي شي جديد ولا حتى قديم زاتو


امك الملتاعة المكلومة السعيدة خالص

ملاحظه هامة وسرية للغاية : انا كنت دايره ارسل ليك قروش بس ما اتذكرت الا بعد ماقفلت الظرف وبعدين الورقة زاتها خلصت وطلعت ما اصلية صناعة يابانية يعني ؟؟؟؟؟ وانت زاتك ما بتستاهل خير... روح ربنا يلعنك ويلعن ابو امك وكل الاهل والاصحاب ومن جاورهم والعاقبة عندكم في المسرات ...
التوقيع
[CENTER]

نحن أقوياء بلا غرور
ومتواضعون بلا ضعف
ان هذه الأمة تغفو ولكن لا تنام
تمرض ولكن لا تموت
فلا تياسوا ،
ستردون عزكم باذن الله

[frame="7 80"]لا تأسفنّ على غدر الزمان لطالما رقصت على جثث الأسـود كلابُ
لا تحسبنّ برقصـها تعلـو على أسيادها فالاسدُ أسدٌ والكلابُ كلابُ
تبقى الأسود مخيفةً في أسـرها حتى وإن نبحتْ عليها كـــلابُ [/frame]
faisalloog غير متصل   رد مع اقتباس
قديم 11-26-2009, 11:36 AM   #2
RANA
عضو جديد
 
تاريخ التسجيل: Jul 2009
المشاركات: 26
هههههه هههههههههههههه
تسلم ايدك يارائع
RANA غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:06 PM.


Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
Protected by CBACK.de CrackerTracker