Follow us Youtube Rss Twitter Facebook
قديم 10-05-2008, 09:14 PM   #1
ThE bUtTeRfLy
عضو فعال
 
تاريخ التسجيل: Aug 2008
الإقامة: الدمام
المشاركات: 447
Talking خيرة نكاتي

دي اكتر نكات عجبتني من زماااان عندي والليلة اخيرا حاشاركم بيها
اي نعم هي حبة بس شوفوها كيييف؟؟



اغبياء بيخطب فيهم الامام خطبة الجمعة قال ليهم بناتكم يحملون الجوالات اتدرون مع من يتحدثن انهن يتحدثن مع الحبيب ردد الاغبياء : صلى الله عليه وسلم.



ثلاثة غلباويين مشوا محل العاب الاول قال للبياع عايز بلونة قام مشى وجاب السلم وطلع فوق ونزلها قال للتاني عايز شنو قال ليه بلونة شاكله وقال ليه كان تكلمني وانا فوق تاني جاب السلم وطلع وهو فوق سال الثالث عايز بلونة قال ليه لا لما نزل سالهخ عايز شنو؟؟؟ رد عليه بلونتين...


اثنين ساكنين في الدور ال 100 طلعوا مشوار لما جو لقو الكهرباء قاطعة وماف طريقة غير السلالم لما وصلوا الدور ال 98 واحد قال للتاني عندي ليك خبرين واحد سمح واحد كعب عايز ياتو قال ليه هات السمح قال ليه السمح باقي طابقين ونصل , قال ليه والكعب؟؟ قال ليه : دي ما عمارتنا.........



مرة عندها دولاب كل ما يجي الباص جنب بيتهم الدولاب يفتح ودته للنجار صلحه ليها تاني يوم بكرة جى الباص الضلفة فتحت تاني ودته يصلحه وبرضو فتح المهم في النهاية جى قال ليها خلاص انا حاتدسى جوة الدولاب واشوف الحاصل شنو؟؟ جاها ودخل جوه الدولاب راجل المرة نسى شي وجى راجع وفتح الدولاب شاف زولك جوة ! داك قال ليه والله ماحتصدقني لو قلت ليك مستني الباص....



عالم بيعمل تجربة في ضفدع جابها وقطع رجلها القدام ورسم خط وقال ليها نطي نطت سجل عندما تقطع رجل الضفدع ويقال لها نطي تنط . قطع رجلها الورا وقال ليها نطي نطت سجل عندما تقطع رجلين... قطع رجلها التالتة وقال ليها نطي نطت برضو سجل لما جى قطع رجلها الاخيرة قال ليها نطي ما نطت نطي ما نطت سجل عندما تقطع ارجل الضفدع الاربع تفقد حاسة السمع...




الشيطان بيتكلم مع فرعون قال ليه والله لما قلت انا ربكم الاعلى دي من خلعتي ختيت يدي الاتنين فوق راسي..



واحد ربح المليون اهله خافوا عليه لو كلموه يحصل ليه شي من الخلعة ودوه لدكتور نفسي اليوم الاول اتونسوا كويس اليوم التاني اتعارفوا كويس اليوم الثالث بدا يمهد ليه قال ليه لو ربحت مليون ريال حتعمل شنو؟؟؟ قال ليه حاديك نصها الدكتور النفسي مااات...



اتنين مساطيل واحد بيته حرق طلع السطح وبيكورك للتاني بتعرف رقم 911 كم قال ليه والله ماعندي فكرة جرب 112...



واحد مسطول مشى يحضر مباراة في الملعب طووول المبارة وهو بيعاين فوق ليه؟؟؟
بيفتش في كلمة مباشر وين!!....



ثلاثة بخلاء بيسبحوا واحد قال نغطس تحت واول واحد يطلع يعزمنا عشاء كلهم غطسوا ولحد اسي ما في واحد طلع....





ولد في المدرسة ساله الاستاذ من حفر قناة السويس ما عرف قام جلده مشى البيت بيبكي لامه قامت قالت ليه: تلقاك حفرتها انت يا المطموس....





واحد شمشار لقى عمود مكتوب في قمته كلام ماقادر يقراه قام اتسلق العمود ولما وصل لقى مكتوب: حاسب العمود طلي منذ قليل.....






واحد حوطي = قبيلة غبية, زعيم القبيلة جمعهم كلهم وقال ليهم زهجنا من كترة مابيقولوا عننا اغبياء فالليلة حاحسم الامر اي واحد ما بيعرف 3+2 بتساوي شنو بضبحه مسك الاول قال ليه بتساوي 5 الباقين كلهم قالوا ليه عليك الله ماتضبحه....






يوم النتيجة واحد قال لصحبه امشي انت شوفها لي وعشان ابوي ما يعرف لو اخدت ملحق قول لي محمد بيسلم عليك ولو ملحقين قول لي محمدين بيسلموا عليك المهم صحبه مشى وجاه قال ليه ها بشر؟ قال ليه والله امة محمد بتسلم عليك......




مساطيل قاعدين في البيت قالوا عايزين ولاعة رسلوا واحد يشوف ليهم من عند الجيران مشى وجاهم بالشباك قال ليهم عندكم ولاعة قالوا ليه تعال ادخل رسلنا واحد حسي استناه معانا....





واحد مسطول حلق شنبه وجى لناس البيت لقاهم قاعدين في الصالة قال ليهم تصدقوا ما عرفتكم......



واحد قزم كل ما يعطس يخبط راسه في الارض...




واحد غبي سايق شاحنة بتاعت موز ونفسه في وحده منها زولك بقى مادي يده بورا وراجع حركة ورا لحد اسي ما وصل الموز






اتنين غتيتين جابوا ولد غتيت اتغاتت عليهم عمل روحه ميت اتغاتتوا عليه دفنوه.......



وتدوم بسمتكم يارب
التوقيع

ThE bUtTeRfLy غير متصل   رد مع اقتباس
قديم 10-23-2008, 03:56 PM   #2
Tabbo
عضو مشارك
 
تاريخ التسجيل: Oct 2008
المشاركات: 67
شكرا على نكاتك الحلوة
التوقيع
Tabbo غير متصل   رد مع اقتباس
قديم 12-07-2008, 06:14 PM   #3
راشد
عضو فعال
 
تاريخ التسجيل: Dec 2003
المشاركات: 270
شكرا ليك بالجد ظريفه وجميله
التوقيع
راشد غير متصل   رد مع اقتباس
قديم 01-04-2009, 12:43 PM   #4
BABY
عضو مشارك
 
تاريخ التسجيل: Mar 2006
المشاركات: 167
النكت دي حلوة
التوقيع
[frame="1 98"]اللهم اقسم لنا من خشيتك ما يحول بيننا وبين معاصيك، ومن طاعتك ما تبلغنا به جنتك، ومن اليقين ما يهون علينا مصائب الدنيا، ومتعنا بأسماعنا وأبصارنا وقوتنا ما أحييتنا، واجعله الوارث منا؛ واجعل ثأرنا على من ظلمنا، وانصرنا على من عادانا، ولا تجعل مصيبتنا في ديننا، ولا تجعل الدنيا أكبر همنا ولا مبلغ علمنا، ولا تسلط علينا من لا يرحمنا[/frame]
BABY غير متصل   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:15 AM.


Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
Protected by CBACK.de CrackerTracker