منتديات النيلين

منتديات النيلين (http://www.alnilin.com/vb/index.php)
-   النكات والطرائف (http://www.alnilin.com/vb/forumdisplay.php?f=26)
-   -   نكت من بلادي (نكات سودانية) (http://www.alnilin.com/vb/showthread.php?t=35)

معتز 07-30-2003 04:50 PM

ههههههههههههههههههههه
والله ياعتيق بالغت في دي لكن

الرخ 07-30-2003 05:27 PM

نكته مخرجه ( أكشن يعني )
 
:D :p ;)
[SIZE=5][COLOR=green][FONT=courier new]بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حتجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني
:D :p ;)
[/COLOR] [/SIZE] [/FONT]

ابو دم تقيييييل 08-02-2003 01:36 AM

رد لي صاحب نكتة الحمار الاتعلم الكتابة
 
ما شاء الله ال.....بقا يعرف يدقدق في الكمبيوتر:mad:

الكومى 08-04-2003 12:26 AM

حبوبه والكلب
 
واحده عجوز مشت للجيران للزياره لقت الولد قالت
ليهو كلبكم فى ردعليها وقاليها مافى
الحاجه خشت كده لقت الكلب قعدت تكورك بوبى بوبى
انا مانى حبوبتك

ندى 08-04-2003 04:58 AM

قال ليك فى واحد عندو موتر يوم كان مركب صحبو معاهو قعدوا يتشاكلوا الاتنين منو الى يقعد جنب الشباك............

قالوا فى قرد عيان راقد فى المستشفى، جا واحد صحبو يسال الدكتور منو الدكتور: واللهى القرد ده بين الحياة والموز.

معتز 08-04-2003 09:50 AM

:D :D :D :D

كل النجوم 08-04-2003 01:46 PM

ههههه
 
رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط

جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

زهرة مروي 08-04-2003 02:04 PM

:D
حلوه يا كومي
مرحب بيك
وحبابك الف

والحبوبة دي ما تكون حبوبتك انته كمان تبقى مصيبه :D

الرخ 08-04-2003 03:29 PM

مرحب بيك شرفتنا
 
[B][SIZE=5][FONT=courier new][COLOR=orange]
مرحب بيك الكومي
بالمناسبة
مصطفي كومي ببقي ليك ؟؟؟؟
مجرد سؤال
وبمناسبة الكلاب دي
قا ليك يا فردة يا تفتيحة
واحد بخاف من الكلاب موت وبتخيل ليه انو الكلب بعضيه
خصوصا لو مر بي جنبو
فيوم جاي راجع من حفلة آخر الليل وصحبانوا مقدمنوا
لحدي باب البيت عشان عارفنيو خواف ولمان وصلوا
قالوا ليه طيب يا حنو سلام للصباح
قال ليهم مع السلامة
جا يفتح الباب خت كراعوا فوق كيس ال************
وقعد يكورك
جر جر جرجر
[/COLOR][/FONT][/SIZE][/B]

:D :p ;)

نعيم الدنيا 08-04-2003 03:41 PM

:p :p :p :p :p
تسلموا يا شباب وفي انتظارالمزيد منكم

معتز 08-05-2003 04:39 PM

قالو الحاجة دي حصلت صحي في برنامج ايام لها ايقاع جاهو اتصال مقدم البرنامج خوجلي قامت سالتو قالت ليه انت وشك ناعم كدا ليه قام قال ليها من الوضؤ قامت قالت ليه لييه علي الحاج بتيمم ولا شنو :D :D :D

النجمة الانيقة 08-07-2003 02:27 PM

عرب شديد!
 
في واحد دخل مطعم بيتزا هت طلب قراصه!


..................................................................!


في واحد دخل مطعم بيت الدونات الأمريكي طلب لقيمات!



...................................................................!




انشاء الله عجبتكم!

الكومى 08-07-2003 07:48 PM

شوك
 
واحد شايقى بيجب اكل البيت وما بيدى اولادو يوم جاب سمك
ولدو سألو ده شنو ياابوى الابو قاليهو ده موز الولد قاليهو ده سمك ياابوى
الاب قال لولدو فيهو شوك الولد مامشكله بلبس سفنجه:D :D :D

الهجام 08-09-2003 06:12 PM

الأدب وقلته
 
تحياتي للإخوة في منتدى النكات ..

المهم يقول ليك طبعاً تعرفوا الرقاصة ( فيفي عبده ) يوم قابلت الأديب والروائي الكبير ( نجيب محفوظ ) الحائز على جائزة نوبل للأدب، المهم اتقابلوا في الإشارة وكانت الإشارة حمراء ..

.. فيفي تركب مرسيدس شبح آخر موديل ..
.. نجيب محفوظ : يركب عربته المشهورة القديمة فيات 128 نصر

فيفي عبده : إزيّك يا أستاذ نجيب
نجيب محفوظ : وعليكم السلام ..
فيفي عبده : يا أستاذ نجيب .. شوف الأدب بتاعك وصلك لفين ..
وقلة الأدب بتاعتي وصلتني لفين ..؟‍

معتز 08-10-2003 01:12 AM

هههههههههههههههه
شكرا لللاعزاء النجمة الانيقه والكومي والهجام
اتحفتونا والله لكم التحية

معتز 08-18-2003 01:27 AM

قالو في سودانيين كسلانين كسل مبالغة شغلوهم في محل بتاع موبليات بس ينومو
ا في السرير دا والزبائن يجو يتفرجو قالو ليكم بعد اسبوع قالو عايزين اجازة :D

fanjat 08-18-2003 09:12 AM

الما جعلـــــــــــــي ما يدخل
 
واحد جعلي وقع في بير قام جا واحد شايقي نزل الدلو الجعلي مسك في الدلو الشايقي نشل الدلو حتي عتبة البير الجعلي شاف الشايقي عرفو من شلوخو قام طلع سكينه وقطع الحبل




انا هنا بسأل سؤال ماهي العداوه بين الجعلي والشايقي؟؟؟؟؟؟؟؟؟

أسد البراري 08-18-2003 10:46 AM

أخي فنجاط ..

أحييك على هذا الطرح .. وحقيقة ليس لدي اجابة قاطعة .. لكن كل الذي أعرفه أن الجماعة ديل أولاد عم .. يعني أخوان لكن خاتينه قرض كدا ليه .. الله أعلم

أعتقد أن الموضوع تعارض أمزجة وعادات ليس إلا ..

ولك شكري وتقديري

fanjat 08-18-2003 12:28 PM

الاخ اسد البراري
تحية من عمق الاعماق لك ودي واحترامي
في الحقيقة انا جعلي وعارف ان الجماعة ديل اولاد اعم لكن سبب العداوه دي شنو انا ايضا ما عارف
ولك هذه النكته التي تبين اشد العداوة---------

يقال ان احد الجعليين راكب علي حماره وساير في الخلاء وعندما دخل في كومة من القش فجأة طارت (فرة) وهي طيره تحدث صوت مريع عند بداية طيرانها ففزع الجعلي من هذا الصوت وسقط من علي الحماره وتلفت يمين ويسار فلم يري احد فقام وقال والله لو هذا شايقي لكان مات من الفزع !!!!!!!!!!!!



فنجــــاط

أسد البراري 08-18-2003 12:43 PM

مرحب أخي فنجاط .. وأخوك برضو من دار جعل

ومشكور على النكتة .. وهاك النكتة دي برضو تبين مدى ما بين الجعليين والشوايقة .

جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي .
:D :D

نسيم 08-18-2003 01:35 PM

الأخ فنجاط
تحياتي
حسب رأيي الشخصي إنو السبب هو اختلاف بعض الصفات لدي الطرفين مثل الكرم - البخل وغيرها

******************
وبمناسبة الجعليين هاكم النكتة دي ( نكتة حقيقية )
كان في واحد جعلي ماشي في شارع ضيق جداً ( زقاق ) وفي أول الزقاق دا كان في واحد شايل عكاز كبير و ساكي ليه كلب ؛ لمان شاف الجعلي في نهاية الزقاق قال ليه حوش الكلب ، واخونا الجعلي حاول يحوش الكلب ، لكن الكلب كان خايف من العكاز و جاء قاصد ليك الجعلي عديل ، فما كان من الجعلي إلا ينط من أقرب حيطة خوفاً من الكلب ؛ بعدين الجعلي اتحرج شديد جداً و اتعقد من الموقف دا ؛ فقام طوالي ماشي ليك للزول الساكي الكلب وراح هارشو ليك : إنت حيوان دا زقاق يسكو فيهو كلب ؟؟؟؟ ؟؟؟؟؟ ؟؟؟؟؟

سويكت 08-19-2003 12:09 AM

كلب شايقى
 
كان فى جعلى وشايقى ساكنين جيران وكانوا الاتنين مربين كلاب
فى يوم العصريه جالسين امام ابوابون بره قام كلب الشايقى تحرش بى كلب الجعلى قام كلب الشايقى جلد كلب الجعلى جلده شديده زعل عليها الجعلى زعل شديد قام طوالى قام من كرسيه وملص عراقيه وقال للشايقى الفى الكلاب عرفناها كدى تعال نقوم انا وانت

سويكت 08-19-2003 12:19 AM

ثور
 
قاليك كان فى تور هايج اتعب الناس تعب شديد البلم فيه كلوا ينطحو وبقى ساكى الناس بالشوارع ماقدر عليه الا واحد مفتل مسك ليك التور من قرونو ورماه على الارض فى واحده من الحريم شاهدت هذا المنظر 00000 ايوى ايوى ايوى زغرتت وطوالى قالت متيمنه هذا الراجل ده جعلى ومشت طوالى وسالتو انت جعلى قال ليها لاشايقى 00 قالت متيمنه امبقى كدى التور ده باطل

معتز 08-19-2003 03:08 PM

التحية لك اخي ابو علم وماتحفتنا والله ابدجاع وننتظر منك المزيد :)

جانكلود 08-21-2003 07:26 PM

اهل العوض
 
احبك حب الفراعنه للهرم

وحب المسلمين للحرم

وحب اهل العوض للغنم

الهجام 08-21-2003 07:48 PM

كلنا إخوان .. وعرب ممزوجة بدم الزنوج الحارة .. ديل أهلي
 
الإخوة المشاركون .. لكم التحية والود

بدءً من (معاقل الجعليين يأتيكم الهجام ) لكني لا أزكي أي خلافات أو

نعرات قبلية طائفية ، ولست مفتخراً بنسب غير نسب الإسلام ، وما

توارث من معاكسات وخلافات بين الجعليين والشايقية ابناء عمومتنا

وجيراننا لا أساس له من الصحة ( وكل سوداني دا ود عمي ودا ضريب

دمي ) ، فهو يقال على سبيل الفكاهة والتندر وكلنا سودانيين ( وكلنا

دقينا في البلد دي طورية وروتها دمانا ) فمنا المك نمر كبريت يحرق

الجربو ومنهم مهيرة بت عبود ومن غيرهم علي عبد اللطيف وعثمان

دقنة والمهدي وودحبوبة وعبد الفضيل ورابحة الكنانية وعلي دينار على

سبيل المثال لا الحصر فالقائمة تطول بطول هامة الوطن ، فكلنا نتاج هذا

الطيف الواسع من الثقافات والألوان التي امتزجت وانصهرت وتلاقحت

في بوتقة عزة ..

هذا السودان الجميل .. الأصيل ..

كل الحب لكم وحتماً سنلتقي ..


الثر بتنوع ثقافاته وأعراقه وأعرافه .. فلله درك يا وطن ..

ياسروف 08-21-2003 08:36 PM

حلوة يا رائع
بس وين انت محتفي خالص
اظهر وبان

THE EAGLE 08-21-2003 11:53 PM

الرباطابى والغنماية
 
واحد رباطابى عندو غنماية خايف عليها من العين عشان كدة داسيها
من الناس اقصد الجيران لكن بالرغم من كدة فى واحد من الجيران شاف
الغنماية لكن ما اتكلم بعد فترة الرباطابى قام اشترى ليهو بقرة فرزيان
وطبعا كان خايف شديد وجا ماشى براحة جنب الحيطة عشان الجيران
قام جارو الكان شاف الغنماية طلع ليهو براحة وقال ليهو اسمع بعد جبت الهيئة القومية دى ما تدينا الجنليتر الجوة داك .......:D

THE EAGLE 08-23-2003 01:26 AM

الجعلى والشايقى
 
جعلى وشايقى اصحاب قام يوم الجعلى مشى مع الشايقى كريمة
قام الشايقى جاب ليك الفطور اصناف كتيرة من الاكل بس فى صحانة صغيرة ولمان قعدو للاكل الشايقى قال ليهو قول بسم الله الجعلى زعل وما رضى الحكاية دى قام يوم من الايام الجعلى عزم الشايقى فى شندى واول ما وصل جاب ليك خروف كامل مشوى
شايلنو راجلين ومعاهو كم فحل بصل ابيض وشطة وكدة واول ما ختو
الخروف الجعلى قال للشايقى : الليلة علي بالطلاق ما تقول بسم الله
عشان اشبعك واشبع شواطينك معاك ...................

قائد الأسطول 08-23-2003 02:13 AM

صاحبنا المكانيكي بجكس
 
لى سلف حياتي و داينمو قلبي .. أهدي لك أحلى ألامنيات ألمعطرة
بزيت ألمحركات.. حبيبتي .. عندما تبتعدين عني أشعر كأن فحمات قلبي
قد أستهلكت من ألعذاب .. وعيناك كأنها لايتات برازيلي أهتدي بنورها..
وجهك أصفى من ألزجاج ألامامي للكرونا.. وعندما تغيبين عني أشعر كأني
أسير بلا ستيرن .. ودموعي لاتتوقف كأنها مضخة أويل بمب .. وعندما أراك
أحس بدمي يجري كما يجري ألماء في ألراديتر .. فأنا مثل شمعة ألقدح
أنتظر شرارة ألبلاتين .. فأنت بالنسبة لي كالديلكو .. وشوقي لك كشوق
البستم للبوشة .. فتعالي يا حبيبتي لنسير في درب ألسلامة بدون بريك
ونعبر كل ألطسات ألتي تعترضنا .. ولك مني أحلى ألبراغي و ألواشرات.


الساعة الآن 01:59 AM.

Powered by vBulletin® Version 3.8.7
Copyright ©2000 - 2021, vBulletin Solutions, Inc. Trans by
Protected by CBACK.de CrackerTracker